Movie review score
5
1983ء
کی سپرہٹ بالی ووڈ فلم ہمت والا کا ری میک بہت جلد سینما گھروں کی زینت
بننے والا ہے جسکے لیے دبنگ گرل سوناکشی سنہا کے ڈسکو آئٹم سونگ ”تھینک گاڈ
اٹس فرائیڈے “کی وڈیو جاری کردی گئی۔ تھینک گاڈ اٹس فرائیڈے کے بولوں پر
مبنی سچن جگر کی موسیقی کے ساتھ اس گانے کو سونیدھی چوہان کی آواز میں
ریکارڈ کیا گیا ہے جس میں سوناکشی ماضی کی معروف ہیروئن پروین بوبی اور سری
دیوی کے روپ دھارے 80کی دہائی کا ڈسکو ڈانس کرتی نظرآرہی ہیں جبکہ گانے کی
کوریوگرافی چینی پرکاش نے کی ہے۔بالی ووڈ کی مقبول جوڑی سری دیوی اور
جیتندرا کی بلاک بسٹر فلم ”ہمت والا“کے ریمیک کے لیے فلمساز و ہدایتکار
ساجد خان نے اجے دیوگن اور تامل ہیروئن تمنا بھاٹیا کو ہیرو ہیروئن چنا ہے۔
اجے دیوگن اور تمنا کے ساتھ پریش راول اور مہیش منجریکر بھی فلم میں اہم
کردارادا کررہے ہیں جبکہ جیتندرا،اکشے کمار اور سوناکشی سنہا بحیثیت مہمان
اداکار اس فلم کا حصہ بنے ہیں۔ ایکشن اور رومانس سے بھرپور اس فلم کو واشو
بھگنانی اور UTVموشن پکچرز نے مشترکہ طور پر پروڈیوس کیا ہے جو 29مارچ کو
سینما گھروں کی زینت بنائی جائے گی جس کا میوزک معروف موسیقار جوڑی ساجد
واجد نے ترتیب دیا ہے۔ 
